३० भदौ, काठमाडौं । काठमाडौंमा बस र स्कुटर एकआपसमा ठोक्किादा स्कुटर चालकको मृत्यु भएको छ ।
यो दुर्घटना मंगलबार काठमाडौं महानगरपालिका–३ स्थित गङ्गालाल अस्पताल नजिक भएको हो ।
बुढानीलकण्ठबाट नारायणगोपाल चोकतर्फ जाँदै गरेको बा ५ ख ३६७१ नम्बरको भाडाको बस र नारायणगोपाल चोकबाट बुढानीलकण्ठतर्फ आउँदै गरेको बा ५३ प २४८५ नम्बरको स्कुटर एकापसमा ठोक्किएका थिए ।
प्रहरीका अनुसार दुर्घटनामा स्कुटर चालक बुढानीलकण्ठ नगरपालिका–१३, चुनिखेलका २२ वर्षीय समिर श्रेष्ठ गम्भीर घाइते भएका थिए ।
त्यसपछि उनलाई उपचारका लागि अस्पताल लगिएको थियो । उपचारकै क्रममा उनको मृत्यु भएको काठमाडौं उपत्यका ट्राफिक प्रहरी कार्यालयका प्रवक्ता प्रहरी उपरीक्षक नरेशराज सुवेदीले जानकारी दिए । –रासस
